المصرى الاصيل بين الشعوب والامم .الكاتب محسن ابو حمود

الكاتب محسن ابو حمود

الكاتب فى قصيدته { سلام عليك يا شعب مصر }....يتغنى بصفات وسمات الشعب

المصرى الاصيل بين الشعوب والامم .

يا شعب عظيم و عنيد ........................
جذورك فى الارض ضاربة .

ارضك طينها اسمرانى ......................
يشد عودك و الشمس طالعة .

يلون من بعيد خدودك ........................
وقت الفرحة و الدنيا صعبة .

سحرك يبان وقت الشدايد ....................
وقت المحن من غير مطالبة .

شايف مقامك وسط الجبال ...................
عارف قصتك من غير مطالعة .

مارد جواك كامن فى قُمقُم ...................
تبان قوته وقت المصارعة .

ساعة اليُتم تلقى الفْرْح .......................
والعزم موجود و القلوب صابرة .

وساعة الفْرْح تلقى اليُتم ......................
لو كان الفرح من غير فايدة .

عاشق للحياة توهبها للحبيب .................
من غير فكر ونِفس راضية .

وتنزع الروح من النفوس ....................
لو القلوب من الحُب فاضية .

قالوا عليك بتحب الصور..قُلت ..............
ايوا عشان العقول تفضل فاكرة .

وكمان بتموت فى هز الوسط .. قُلت .......
ومالوا ما الفرحة ع الناس عايدة .

وبتحب الرغي زى عينيك .. قُلت ...........
التكرار يعلم اللى مش فاهمة .

وقالوا مالك بين الشعوب كتالوج ............
ازاى دا الخريطة فى الجينات باينة .

يمشى عليها كل ضال و معوج .............
ومنارة للشعوب ع الطريق عالية .

رصيد الحضارة جُواك هرم ................
والقيم و المبادئ فى الوجدان ثابتة .

صك الحرية عندك كرامة ..................
تُوقع عليه بدون مجاملة .

عاشق تراب الطفولة اللى ..................
عَفر هُدومك و الست والدة .

عُمرك فى يوم ماتنسى اللى حبك ..........
عُمرك فى يوم ما تنسى اللى صابك ببلوة .

نصيحتى ليك يا اللى مش فاهم .............
ادرس كلامى دا المعانى فى الكلام غالية .

--------الكاتب/ محسن أبو حمود---------
الاحد 03-04-2018