طوق النجاه لشاعر / محمد عبد العزيز دراز‏

محمد عبد العزيز دراز

طوق نجاه
...............
الفراق قرار مش بإيدي
الفراق قرارك وبتوقيعك
امضيه بحبر وريدي
اكتبي موتي بإيدك

خلي كل لحظة فاتت
بكلامك أو حتى بسكاتك
تبقا ذكرى ليوم مماتك
يومها هلاقيكي وتلاقيني

والعتاب يشتد بينا
ليه ضيعتي عشق السنين
ليه قرارك طول سنينا
عشناها بكى بطعم الانين

يعني كان لازم تفارق
وتطعن قلبي بالخناجر
عاشق و في حبك غارق
وبرحيلك كنت فاجر

مش هسامحك ع الجروح
مش هسيبك تتشفا فيا
ابعد شوية عني روووح
يمكن قلبك يحس بيا

ولما ترجع تتطلب وصالي
ويصعب عليك ذلي وحالي
هتلاقي قلبي في انتظارك
ناسي كمان قسوة قرارك

وهيرجع تاني للحياه
ويستسلم بين إيديك
ما هو حبك انت طوق نجاه
يا بحر عشقي غرقت فيك